movies

‘మహా’ ప్రాజెక్ట్: నాగ్ అశ్విన్ డైరెక్షన్‌లో మెగాస్టార్ 152 మూవీ!

‘జగదేకవీరుడు అతిలోక సుందరి’ తెలుగు సినిమా పరిశ్రమ గర్వించతగ్గ చిత్రాల్లో ఈ మూవీ ఒకటి. చిరంజీవి, శ్రీదేవి హీరోహీరోయిన్లుగా కె. రాఘవేంద్రరావు దర్శకత్వంలో వైజయంతీ మూవీస్ బ్యానర్‌లో అశ్వనీదత్ నిర్మాతగా వ్యవహరించిన ఈ చిత్రం ఓ ట్రెండ్ సెట్టర్. ఈ చిత్రం 1990 మే 9 విడుదలైన ఈ చిత్రం బిగ్గెస్ట్ బ్లాక్ బస్టర్ హిట్ అయ్యింది. చాలా ఏళ్ల తరువాత అశ్వనీదత్, ప్రియాంక దత్‌లు అశ్వనీదత్ సమర్పణలో నిర్మించిన ‘మహానటి’ చిత్రాన్ని కూడా ‘జగదేకవీరుడు అతిలోక సుందరి’ సెంటిమెంట్‌ను ఫాలో అవుతూ… మే 9 నాడే విడుదల చేశారు. అయితే ఈ సెంటిమెంట్ వర్కౌట్ అయ్యింది. యూనిట్ ఆశించినట్టుగానే ‘మహానటి’ బ్లాక్ బస్టర్ హిట్ అయ్యింది.


దీంతో చిత్ర యూనిట్‌ను ‘జగదేకవీరుడు’ ప్రశంసలతో ముంచెత్తారు. అంతేకాదు తన ‘మహానటి’ యూనిట్‌ను తన ఇంటికి ఆహ్వానించి సత్కరించారు. అనంతరం మీడియోతో ఆసక్తికరమైన విషయాన్ని పంచుకున్నారు. ‘మహానటి’ చిత్రం అద్భుతంగా ఉందని.. తెలుగు సినిమా పరిశ్రమ గర్వపడే సినిమా తీసిన దర్శకుడు నాగ్ అశ్విన్‌తో సినిమా చేయడానికి తాను రెడీగా ఉన్నాడంటూ మెగాస్టార్ మెగా ఆఫర్ ప్రకటించారు.

దీనికి నాగ్ అశ్విన్ స్పందిస్తూ.. తాను మెగాస్టార్ కోసం కథను రెడీ చేస్తున్నా అన్నారు. ఇక వైజయంతీ మూవీస్‌‌ బ్యానర్‌లో మెగాస్టార్ హీరోగా.. నాగ్ అశ్విన్ డైరెక్షన్‌లో సినిమా చేయడానికి తాము సిద్ధం అంటూ నిర్మాతలు ప్రకటించారు. అయితే ఇది అఫీషియల్ ప్రకటన కాదు కాని.. అన్నీ అనుకున్నవి అనుకున్నట్లు జరిగితే మెగాస్టార్ 152 మూవీ ‘మహానటి’ దర్శకుడు నాగ్ అశ్విన్ ఉండటం ఖాయంగానే కనిపిస్తుంది.

ఇకపోతే.. ఎన్టీఆర్, ఏఎన్నార్, భానుమతి, సావిత్రి.. ఇలా తెలుగులో దిగ్గజ నటులు ఉన్నారు. వీరి జీవిత చరిత్రలు ప్రతి ఒక్కరికి స్పూర్తిధాయకమే. అయితే వీరి జీవిత చరిత్రను సినిమాగా తీస్తే ఎలా ఉంటుంది. ఆలోచన మంచిదే కాని ఎక్కడ చిన్న తేడా వచ్చినా అంచనాలు తేడా అవుతాయి. అందుకే తెలుగులో ఎంతో మంది మహామహులు ఉన్నా ఇప్పటి వరకూ ఒక్క బయోపిక్ మూవీ కూడా రాలేదు. ముందు తరంలోని దాసరి, కె. రాఘవేంద్రరావు, కె. విశ్వనాథ్ లాంటి అగ్రదర్శకులుకూడా బయోపిక్ మూవీలకు సాహసించలేదు. ఇక తరువాతి తరంలోని రాజమౌళి, సుకుమార్, వివి వినాయక్ లాంటి దర్శకులు కూడా బయోపిక్ మూవీలపై పెద్దగా ఆసక్తి చూపలేదు.

అయితే ఒకే ఒక్క సినిమా సినిమా అనుభవం ఉన్న యువ దర్శకుడు నాగ్ అశ్విన్.. తెలుగు సినిమా పరిశ్రమకు ఓ కొత్త మార్గాన్ని చూపాడు. అసాధ్య అనుకున్న బయోపిక్ మూవీని ‘మహానటి’ చిత్రంతో సుసాధ్యం చేసి చూపించారు. మొదటి ‘ఎవడే సుబ్రహ్మణ్యం’ ఇప్పుడు ‘మహానటి’.. రెండూ సూపర్ హిట్ చిత్రాలే. అయితే ‘మహానటి’ అంతకు మించి.. ఇంకా చెప్పాలంటే అందరినీ మించి… అందుకే ఈ దర్శకుడు నెక్స్ట్ మూవీ ఎవరితో చేస్తాడనే ఆసక్తి అందరిలోనూ ఉంది. ఈ సందర్భంలో మెగాస్టార్‌తో మూవీ అంటే ఈ అంచనాలు ఏం రేంజ్‌లో ఉంటాయో అర్థం చేసుకోవచ్చు.

Comments

comments