Featured news

TS EAMCET 2018: త్వరలో ఎంసెట్ ఫలితాలు..!

తెలంగాణ ఎంసెట్ ఫలితాలు త్వరలో విడుదలకానున్నాయి. ఈ మేరకు మే 18న ఫలితాలను విడుదల చేయడానికి అధికారులు సన్నాహాలు చేస్తున్నారు. 18న ఉదయం 11 గంటలకు ఉపముఖ్యమంత్రి కడియం శ్రీహరి హైదరాబాద్ జేఎన్‌టీయూలో ఫలితాలను విడుదల చేస్తారు. జూన్‌లో ప్రారంభమయ్యే కౌన్సెలింగ్ ప్రక్రియ జులై చివరినాటికి పూర్తికానుంది. ఆగస్టు 1 నుంచి తరగతులు ప్రారంభించనున్నారు. మే 2 నుంచి 7 వరకు ఎంసెట్ పరీక్షలు జరిగిన సంగతి తెలిసిందే. మే 2, 3 తేదీల్లో అగ్రికల్చర్ & మెడికల్ విభాగాలకు; మే 4, 5, 7 తేదీల్లో ఇంజినీరింగ్ విభాగానికి పరీక్షలు నిర్వహించారు.

 

అగ్రికల్చర్ & మెడికల్ విభాగాలకు మొత్తం 73,078 మంది దరఖాస్తు చేసుకోగా..66,857 మంది పరీక్షకు హాజరయ్యారు. ఇంజినీరింగ్ విభాగానికి 1,47,912 మంది విద్యార్థులు దరఖాస్తు చేసుకోగా 1,36,311 మంది పరీక్షకు హాజరయ్యారు.

Comments

comments