news

నిద్ర సరిగ్గా ప‌ట్ట‌డం లేదా..?ఇలా చేయండి..!

నిత్యం వివిధ సందర్భాల్లో ఎదుర్కొనే ఒత్తిడి, ఆందోళన, మానసిక సమస్యలు, అనారోగ్యాలు… తదితర అనేక కారణాల వల్ల చాలా మందికి రోజూ నిద్ర సరిగ్గా పట్టడం లేదు. దీంతో వారు రోజూ యాక్టివ్‌గా ఉండలేక‌పోతున్నారు. స‌రిగ్గా పనిచేయలేక‌పోతున్నారు. దీంతో నిద్ర‌లేమి వ‌ల్ల‌ డిప్రెషన్ బారిన కూడా ప‌డుతున్నారు. అయితే అలాంటి ఇబ్బందులు ప‌డ‌కుండా ఉండాలంటే కింద ఇచ్చిన పలు సూచ‌న‌లు పాటిస్తే నిద్రలేమి స‌మ‌స్య నుంచి విముక్తి పొంద‌వ‌చ్చు. దీంతో ఇత‌ర అనారోగ్య స‌మ‌స్య‌లు రాకుండా ఉంటాయి. ఆ సూచ‌న‌లు ఏమిటో ఇప్పుడు తెలుసుకుందాం.

1. రోజూ రాత్రి కొన్ని చెర్రీ పండ్లను తింటే చాలు. నిద్ర చక్కగా పడుతుంది. చెర్రీ పండ్లను తిన్నా, జ్యూస్ తాగినా వాటిలో ఉండే మెలటోనిన్ మనకు నిద్ర వచ్చేలా చేస్తుంది.

2. ప్రతి రోజూ రాత్రి గోరు వెచ్చని పాలను తాగినా నిద్ర బాగా పడుతుంది. ఇది ఎంతో కాలం నుంచి పెద్దలు మనకు చెబుతూ వస్తున్నదే. పాలలో న్యూరో ట్రాన్స్‌మీటర్స్ ఉంటాయి. ఇవి చక్కని నిద్ర వచ్చేలా చేస్తాయి. మనస్సుకు ప్రశాంతతను ఇస్తాయి.

3. రాత్రి పూట భోజనంలో పెరుగు లేదా మజ్జిగను తీసుకున్నా దాంతో నిద్ర బాగా పడుతుంది. వాటిలో ట్రిప్టోఫాన్ ఉంటుంది. అది నిద్ర వచ్చేందుకు దోహదపడుతుంది.

4. అరటి పండ్లను రాత్రి పూట ఆహారంలో భాగంగా చేసుకోవాలి. దీంతో నిద్ర బాగా పడుతుంది. అంతేకాదు, ఒత్తిడి, ఆందోళన వంటివి తగ్గుతాయి. రక్త సరఫరా మెరువుతుంది. మైండ్ రిలాక్స్ అవుతుంది.

5. చేపల్లో విటమిన్ బి6 పుష్కలంగా ఉంటుంది. ఇది మనకు నిద్ర బాగా వచ్చేలా చేస్తుంది. వారంలో కనీసం 3 సార్లు రాత్రి భోజనంలో చేపలను తింటూ ఉంటే తద్వారా నిద్ర సమస్యలు పోతాయి.

6. బాదం పప్పులో మెగ్నిషియం పుష్కలంగా ఉంటుంది. ఇది కండరాలు, మనస్సుకు రిలాక్సేషన్ ఇస్తుంది. దీంతో చక్కని నిద్ర వస్తుంది.

7. రోజూ రాత్రి గ్రీన్ టీ తాగినా హాయిగా నిద్రపోవచ్చు. గ్రీన్ టీ తాగితే మైండ్ రిలాక్స్ అవుతుంది. ఒత్తిడి, ఆందోళన వంటివి తగ్గుతాయి. దీంతోపాటు చక్కని నిద్ర వస్తుంది.

Comments

comments