movies

2018 నాదే అంటోన్న ‘అజ్ఞాతవాసి’ బ్యూటీ!

‘అజ్ఞాతవాసి’ మూవీలో పవన్ సరసన అనుఇమ్మానుయేల్, కీర్తి సురేష్‌లు నటిస్తున్న సంగతి తెలిసిందే. అయితే ఇటీవల ఈ మూవీ ఆడియో వేడుకలో నాజూకు నడుము అందాలతో చూడచక్కనైన చీర కట్టి సెంటర్ ఆఫ్ అట్రాక్షన్‌గా నిలిచింది అనుఇమ్మానుయేల్. పక్కనే బొద్దుగుమ్మ కీర్తిసురేష్ ఉన్నప్పటికీ పవన్ ఫ్యాన్స్‌ను ఎక్కువ అట్రాక్ట్ చేసింది మాత్రం అనుఇమ్మానుయేలే.

అయితే ఈ బ్యూటీ 2017లో ‘కిట్టు ఉన్నాడు జాగ్రత్త’, ‘ఆక్సిజన్’ చిత్రాలతో పాటు విశాల్ సరసన ‘డిటెక్టివ్’ చిత్రంలోనూ నటించింది. అయితే డిటెక్టివ్ చిత్రం ఓ మోస్తరు విజయాన్ని నమోదు చేయగా మిగతా రెండు చిత్రాలు నిరాశనే మిగిల్చాయి. అయినప్పటికీ తన అందం, అభినయంతో ‘అజ్ఞాతవాసి’ మూవీలో పవన్ సరసన నటించే అవకాశాన్ని కొట్టేసింది ఈ బ్యూటీ.

ఇక 2017లో అమ్మడు గ్రాఫ్ ఇలా ఉంటే.. 2018లో వచ్చేసరికి పూర్తిగా మారిపోయి బిజీ హీరోయిన్‌గా మారే అవకాశాలు మెండుగానే కనిపిస్తున్నాయి. ‘అజ్ఞాతవాసి’ మూవీతో 2018 ఏడాది ప్రారంభిస్తున్న అనూ.. అల్లు అర్జున్ సరసన ‘నాపేరు సూర్య’, అక్కినేని నాగచైతన్య-మారుతి కాంబినేషన్లో రాబోతోన్న ‘శైలజారెడ్డి అల్లుడు’ సినిమా షూటింగ్‌లతో బిజీ ఉంది. వీటితో పాటు చెర్రీ- బోయపాటి కాంబినేషన్ మూవీకి, సాయిధరమ్ తేజ్ సినిమాలకు ఈమెనే ఓకే చేశారు. ఇక మరో నాలుగు సినిమాలు లైన్‌లో ఉన్నట్లు తెలుస్తోంది. ఒకే ఏడేది ఇన్ని సినిమాలు రావడం అదీ స్టార్ హీరోల పక్కన ఛాన్స్ రావడంతో అను ఇమ్మానుయేల్‌‌కి అన్నీ కలిసి వస్తే 2018 టాప్ హీరోయిన్ కావడం ఖాయమే.

ఇదిలా ఉంటే అనూఇమ్యానుయేల్ వరుస ఆఫర్స్ అన్నీ ముందుగా రకుల్ ప్రీత్ సింగ్ తలుపుతట్టాయట. అయితే 2017లో స్పైడర్, విన్నర్, జయజానకి నాయక, రారండోయ్ వేడుక చూద్దాం, ఖాకి లాంటి చిత్రాలతో ప్రేక్షకుల మందుకు వచ్చిన రకుల్ పర్వాలేదనిపించినా.. ఆమెకు బ్లాక్ బస్టర్ హిట్ అయితే పడలేదు. దీంతో రెమ్యూనరేషన్ కూడా భారీ రేంజ్‌లో ఉండటంతో నిర్మాతలకు బెస్ట్ ఛాయిస్‌గా మారింది అనుఇమ్మానుయేల్.

Comments

comments

About the author

mani kishore

Add Comment

Click here to post a comment