news

అద్భుతం! అంతరిక్షానికి విహారయాత్ర.. ప్రయోగం సక్సెస్!

ర్యటకులు సైతం అంతరిక్షంలో విహరించే సమయం వచ్చేస్తోంది. ఈ సందర్భంగా అంతరిక్షానికి రాకపోకలు చేసేందుకు వీలుగా ప్రత్యేక స్పేస్ టూరిజం షిప్‌లు సిద్ధమవుతున్నాయి. ఇందులో భాగంగా బిలీనియర్ జెఫ్ బెజోస్‌కు చెందిన ‘బ్లూ ఆరిజిన్’ సంస్థ అంతరిక్షంలోకి ప్యాసింజర్ స్పేస్ షిప్‌ను విజయవంతంగా పంపడమే కాదు. సురక్షితంగా ల్యాండ్ చేసింది కూడా.

 
‘న్యూ షెపర్డ్ 2.0 ర్యాకెట్ అండ్ క్యాప్సుల్’గా పిలిచే ఈ స్పేస్‌షిప్‌లో కెమేరాలు ఏర్పాటు చేయడంతో పాటు వ్యోమగామిని పోలిన ఓ బొమ్మను అంతరిక్షంలోకి పంపించారు. అమెరికాలోని వెస్ట్ టెక్సాస్‌లో ఏప్రిల్ 29 మధ్యాహ్నం 1.06 గంటలకు ఈ ప్రయోగం జరిపారు. కొన్ని నిమిషాల వ్యవధిలోనే భూమికి 351,000 అడుగుల ఎత్తుకు ఎగిరింది. ఈ స్పేస్ షిప్లో ఒకేసారి ఆరుగురు ప్రయాణించవచ్చు.
అంతరిక్షం నుంచి భూమిని చూసేందుకు వీలుగా ఈ క్యాప్సుల్‌కు పెద్ద పెద్ద కిటికీలను ఏర్పాటు చేశారు. అయితే, బ్లూ ఆరిజన్… ఇలాంటివి మరికొన్ని ప్రయోగాలు చేయనుంది. అన్ని భద్రతా ప్రమాణాలు పరిశీలించిన తర్వాత ఈ స్పేస్ షిప్ పర్యటకులకు అందుబాటులోకి తీసుకురానుంది.
కేవలం ఇదే కాకుండా ‘బ్లూ ఆరిజిన్’.. 2020 కల్లా ‘న్యూ గ్లెన్న్’ అనే భారీ ర్యాకెట్‌ను కూడా అందుబాటులోకి తేనుంది. రీయూజబుల్ ర్యాకెట్ ద్వారా బ్లూ ఆరిజిన్ ఈ ప్రయోగాలు చేస్తోంది. తాజా ప్రయోగంలో ర్యాకెట్ పై భాగంలో క్యాప్సుల్ ఏర్పాటు చేశారు. అందులో వ్యోమగాముల వంటి బొమ్మలను ఏర్పాటు చేశారు. ర్యాకెట్ నిర్ధారిత ఎత్తులోకి చేరగానే.. క్యాప్సుల్‌ను అక్కడే వదిలి భూమిపైకి వచ్చేసింది. కొద్దిసేపు అంతరిక్షంలో చక్కర్లు కొట్టిన క్యాప్సుల్ తిరిగి భూమిపైకి సురక్షితంగా చేరుకుంది.
ఈ నేపథ్యంలో పర్యటకులను అంతరిక్షంలోకి తీసుకెళ్లి, సురక్షితంగా భూమి పైకి తీసుకొచ్చే ప్రక్రియ చాలా సులభమైనదని ఈ సంస్థ పేర్కొంటోంది. సాధారణంగా నాసా వ్యోమగాములు చేరుకునే కక్ష్యకు, బ్లూ ఆరిజిన్ ర్యాకెట్ వెళ్లే కక్ష్యకు చాలా వ్యత్యాసం ఉంది. వ్యోమగాములు వెళ్లే ఆరిజన్ నుంచి తిరిగి వచ్చేప్పుడు క్యాప్సుల్స్ మండిపోయే అవకాశం ఉంటుంది. అయితే, బ్లూ ఆరిజన్ భూ కక్ష్యను దాటి వెళ్లకపోవడం వల్ల ఎలాంటి మంటలు లేకుండా క్యాప్సుల్ సురక్షితంగా కిందికి దిగింది.

Comments

comments

About the author

Ramya

Add Comment

Click here to post a comment