movies

మా పెళ్లికి రండి: హీరోయిన్‌ నమిత పెళ్లి శుభలేఖ

కోలీవుడ్ సీనియర్ బ్యూటీ నమిత త్వరలో పెళ్లి పీటలు ఎక్కబోతుంది. తన బాయ్‌ఫ్రెండ్‌ వీరేంద్ర చౌదరిని పెళ్లాడబోతున్న ప్రకటించిన నమిత ప్రస్తుతం పెళ్లి పనుల్లో బిజీగా బిజీగా గడుపుతుంది. ఈ నెల 24న తిరుపతిలో వీర్‌ను పెళ్లిచేసుకోబోతున్నట్లు సోషల్ మీడియా ద్వారా ప్రకటించిన నమిత పెళ్లి శుభలేఖ సోషల్ మీడియాలో వైరల్ అవుతుంది.

ఈ వివాహ పత్రికలో నమిత, వీరేంద్ర చౌదరి సంగీత్ ఫంక్షన్ నవంబర్ 22న తిరుపతి సింధూరి పార్క్ హోటల్‌లో సాయంత్రం 7 గంటల 30 నిమిషాలకు జరగనుండగా.. పెళ్లి నవంబర్ 24 శుక్రవారం తిరుపతి‌లోని ఇస్కాన్‌లో ఉదయం 5 గంటల 30 నిమిషాలకు జరుగనున్నట్లు పెళ్లి పత్రికలో ఉంది.

కాగా.. నమితకు కాబోయే ప్రియుడి వీరేంద్ర గురించి పలు ఆసక్తికరమైన విషయాలను తెలియజేసింది. వీర్ నా బెస్ట్‌ ఫ్రెండ్, సోల్‌మేట్. అతనొక నిర్మాత, అభిలాష ఉన్న నటుడు. మాది పెద్దలు కుదిర్చిన ప్రేమ వివాహం. మా బెస్ట్‌ఫ్రెండ్ శశిధర్ బాబు ద్వారా గతేడాది సెప్టెంబర్‌లో నేను, వీర్ ఒకరికొకరు పరిచయమయ్యాం.

ఆ తరవాత మా మధ్య స్నేహం బలపడింది’ అని నమిత వెల్లడించింది. 2017 సెప్టెంబర్ 6న బీచ్‌లో క్యాండిల్ లైట్ డిన్నర్ ఏర్పాటుచేసి వీర్ తనకు లవ్‌ను ఎంతో రొమాంటిక్‌గా ప్రపోజ్ చేసినట్లు నమిత పేర్కొంది. మా ఇద్దరి జీవిత ఆశయాలు, ఆధ్యాత్మిక చింతన మమ్మల్ని ఒక్కటి చేశాయి. మా ఇద్దరి అభిరుచులు, అభిప్రాయాలు ఒకటే. దీంతో వెంటనే వీర్‌కి ఓకే చెప్పేశానని తన రొమాంటిక్ ప్రేమకథను చెప్పుకొచ్చింది.

Comments

comments