Business

ఇక మీ వాళ్లకు ఫోన్ ద్వారా ముద్దులు పెట్టుకోవచ్చు !!

నిన్నటి దాకా ఫోన్లు చేసుకున్నాం.. దూరంగా ఉన్న వాళ్లకు మెసేజ్ లు పంపుకున్నాం. ఈ మధ్యనే వీడియో కాల్స్ చేసుకుంటూ దూరంగా ఉన్న ఫీలింగ్ లేకుండా చేసుకుంటున్నాం. అయినా కానీ ఎక్కడో ఓ వెలతి. ఎంతైనా ఆప్యాయంగా మాట్లాడేటప్పుడు ఉండే ఆ ఫీలింగ్ మాత్రం రావడం లేదు. అయితే ఇక మీదట మీకు ఆ వెలతి కూడా ఉండకపోవచ్చు. మీరు ఎలాగైతే మెసేజ్ లు పంపించుకుంటారో అలాగే ఇక మీదట ముద్దులు కూడా పంపించవచ్చు. అవును.. మీరు చదువుతున్నది అక్షరాల వాస్తవం.

 

తమ ఆత్మీయుల మధ్య దూరాన్ని ఇంటర్నెట్ మాయం చేసింది. చాటింగ్, ఈ-మెయిల్, వాయిస్ కాలింగ్ వారి మధ్య ఎడబాటును గణనీయంగా తగ్గించింది. ఇప్పుడు వారి ప్రియురాలికి, భార్యకు మెసేజ్‌లు, మెయిల్స్ లా ముద్దులు పంపించుకోవచ్చు. దీనికోసం లండన్‌లోని సిటీ యూనివర్సిటీకి చెందిన పరిశోధకులు ‘కిసెంజర్’ అనే పరికరాన్ని కూడా రూపొందించారు.

వత్తిడిని గుర్తించే సెన్సార్లు, ప్రేరేపితా ఉంటాయి. అయితే మనం మన పెదవులతో ఈ పరికరంపై ఎంత గట్టిగా ముద్దుపెడతామో అవతలి పరికరం ద్వారా ఆ ఫీలింగ్ మన భాగస్వామికి కలుగుతుంది. స్మార్ట్ ఫోన్‌కు అనుసంధానం చేసుకుని ముద్దులను పంపుకోవచ్చన్నమాట. ఈ వార్త లవర్స్ తెలిస్తే వాళ్ల ఆనందానికి అవధులు ఉండకపోవచ్చు.

 

Comments

comments